Etxebarriko Udal Euskara Zerbitzua 2001 urtean sortu zen. Gaur egun, Udal Euskaltegian kokatua dago, Bekosolo parkean..
Badira urte batzuk Etxebarriko Udal Euskara Zerbitzua sortu zela. Ibilbide laburra baina oparoa izan da orain artekoa ekintzetan, apalagoa euskararen erabilerari loturiko emaitzetan, seguruenik.
Horixe da, hain zuzen ere, Euskara Zerbitzuaren egitekoa: Etxebarriko gaurko hizkuntza-errealitateari egokiturik bizitzaren esparru guztietan eragitea euskarak bide zabalagoa izateko. Horretarako ezinbestekoa da helburu argiak eta egingarriak ezartzea, eta horixe da Udalak 2004 urtean hartu zuen erronka, EBPN(Euskararen Biziberritzeko Plan Nagusia) onartu zuenetik. Plan honek gure helburua bizitzaren arlo guztietan eragiteko asmoa du bost urteko epean: Irakaskuntzan, Familian, Merkataritzan, Administrazioan, Kulturan, Kirolean, Gazterian, Komunikabideetan...
Etxebarri hasiz doan herria izanik, nork bere harri koxkorra ekartzen badu euskararen mundura lortuko dugu geure helburua.
...”Non goga, han zangoa”
Euskara Zerbitzuaren funtzio nagusiak:
- Euskararen sustapena
- Euskara Bíziberritzeko Plan Nagusiaren garapena
- Euskararen aldeko jarduerak eta ekimenak
- Herriko elkarte eta taldeei itzulpen zerbitzua